Yoʻllardagi tekshiruvlar davomida:

- 2022-yil 1-fevral kuni soat 16:30 larda, Yunusobod tumanida joylashgan “Uch qahramon” YPX maskanida xizmat olib borayotgan YPX xodimlari T.Raximov va S.Oʻrinboyevlar tomonidan, Toshkent viloyatidan poytaxtga kirib kelayotgan “Matiz” rusumli atvomobil toʻxtatilib, xolis va guvohlar ishtirokida tekshirilganida, haydovchi, 1983-yilda tugʻilgan B.B.ning choʻntagidagi sigareta qutisi ichidan, qogʻozga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro B.B. va aniqlangan modda Yunusobod tumani IIO FMBga topshirilgan.

- 2022-yil 2-fevral kuni soat 00:35 larda, Uchtepa tumanida xizmat olib borayotgan YPX xodimi A.Nozimjonov tomonidan, Zargarlik koʻchasi boʻylab harakatlanib kelayotgan “Nexia” rusumli avtomobil toʻxtatilib, xolis va guvohlar ishtirokida tekshirilganida, yoʻlovchi, 1993-yilda tugʻilgan M.M.ning yonidan, 1 dona “Snup” dorisi idishi ichida, tarkibi nomaʼlum boʻlgan suyuqlik hamda 5 dona ”Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro M.M. va aniqlangan vositalar Uchtepa tumani IIO FMBga topshirilgan.

- 2022-yil 2-fevral kuni soat 03:30 larda, Yashnobod tumanida xizmat olib borayotgan YPX xodimlari B.Agzamov va S.Umirqulovlar tomonidan, Maxtumquli koʻchasi boʻylab harakatlanib kelayotgan “Lacetti” rusumli atvomobil toʻxtatilib, xolis va guvohlar ishtirokida tekshirilganida, yoʻlovchi, 1988-yilda tugʻilgan I.N.ning yonidan, 1 dona “Snup” dorisi idishi ichida, tarkibi nomaʼlum boʻlgan suyuqlik hamda 2 dona “Regapen” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, fuqaro I.N. va aniqlangan vositalar Yashnobod tumani IIO FMBga topshirilgan.

Tekshiruvlar davom etmoqda...