“Juma — yoʻl harakati xavfsizligi targʻiboti kuni” doirasida Toshkent shahar IIBB JXX YHXB xodimlari hamda Oʻzbekiston Respublikasi Milliy Gvardiyasi Toshkent mintaqaviy oʻquv markazi tinglovchilari ishtirokida Yoʻl harakati qoidalari yuzasidan davra suhbati tashkil etildi. Masʼullar qoidalar boʻyicha soʻnggi yangilik va oʻzgarishlar haqida tinglovchilarga maʼlumotlar yetkazishdi.

Poytaxt koʻchalarida sodir boʻlgan ogʻir oqibatli yoʻl-transport hodisalari aks etgan taʼsirchan videoroliklar namoyish etilib, yoʻllarda doimiy ravishda sergak va ogoh boʻlib transport boshqarish taʼkidlab oʻtildi.

Oʻzaro savol-javoblar orqali tinglovchilar Yoʻl harakati qoidalari yuzasidan koʻplab maʼlumotlarga ega boʻldilar.