Toshkent shahar hokimligi Matbuot xizmatining xabariga koʻra, 8-sentabr kuni soat 19:30 da Alisher Navoiy nomli davlat akademik katta teatrida 93-mavsumning ochilishi munosabati bilan ochiq osmon ostida “Kuz zari ogʻushida Katta Musiqa” konserti boʻlib oʻtadi.

Shu munosabat bilan 8-sentabr kuni soat 10:00 dan 00:00gacha shahrimizdagi bir necha koʻchalar vaqtincha yopiladi:

— Buyuk Turon koʻchasi Islom Karimov koʻchasi bilan kesishmasidan Matbuotchilar koʻchasigacha boʻlgan oraliqda;

— Buxoro koʻchasi Buyuk Turon koʻchasi bilan kesishmasidan Zarafshon koʻchasigacha boʻlgan oraliqda.

Haydovchilarga aylanma yoʻllardan harakatlanish tavsiya etiladi.