2022-yil 19-fevral kuni soat 04:40 larda, Yashnobod tumanida xizmat olib borayotgan YPX xodimi A.Nabiyev tomonidan, Qorasuv koʻchasi boʻylab harakatlanib kelayotgan “Matiz” rusumli avtomobil toʻxtatilib tekshirilganda, haydovchi, 2003-yilda tugʻilgan I.Y oʻzining koʻrinishi va xatti-harakatlari bilan xodimda shubha uygʻotgan. Xolis va guvohlar ishtirokidagi tekshiruvlar mobaynida avtomobil salonidan 13 dona “Regapen” hamda 4 dona “Tropikamid” nomli psixotrop dori vositalari va 2 dona qora rangli, oʻtkir hidli, saqichsimon moddalar aniqlangan.

Mazkur holat yuzasidan tegishli hujjatlar rasmiylashtirilib, fuqaro I.Y. va aniqlangan vositalar Yashnobod tumani IIO FMBga topshirilgan.

Tekshiruvlar davom etmoqda...