Namangan viloyati IIB JXX YHXB masʼullari tomonidan Milliy gvardiyaning Namangan viloyati boʻyicha boshqarmasi hamda uning tasarrufidagi Qoʻriqlash boshqarmasi harbiy xizmatchilari va xodimlariga yoʻl harakati qoidalari boʻyicha tushuntirishlar berish hamda sodir boʻlayotgan yoʻl-transport hodisalarining sabab va omillarini yetkazish borasida targʻibot tadbiri tashkil etildi.

Uchrashuv davomida tinglovchilarning qoidalar boʻyicha bir nechta savollariga YHXB masʼullari tomonidan javoblar berildi. Rejali tarzda bu kabi qoidalar boʻyicha targʻibot uchrashuvlarini davom ettirishga kelishilib olindi.