2022-yil 12-yanvar kuni soat 14:00 larda, Toshkent shahar, Chilonzor tumani, Bunyodkor koʻchasida “Nexia” rusumli, 20V417CA davlat raqam belgili avtomobil haydovchisi toʻxtatilib tekshirilganda, ushbu davlat raqam belgisi aslida “Vaz-2106” rusumli avtomobilga tegishli ekanligi, “Nexia”ga tegishli boʻlgan 20Y239DA davlat raqam belgisi esa avtomobil yukxonasida turganligi maʼlum boʻlgan. Haydovchi, 1994-yilda tugʻilgan I.Oʻ. ga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 125-moddasi (transport vositalaridan foydalanish qoidalarini buzish) tartibida bayonnoma tuzilib, avtomobil vaqtincha saqlash uchun jarima maydoniga joylashtirilgan.

Barcha haydovchilardan qoidalarga rioya qilishlarini soʻraymiz.