Bugun, 2022-yil 11-yanvar kuni soat 19:30 larda, Toshkent shahar, Chilonzor tumani, Chilonzor metro bekati qarshisida YPX xodimi S.Umarqulov tomonidan toʻxtatilgan piyoda, 2002-yilda tugʻilgan M.S.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro Oʻzbekiston Respublikasi Jinoyat Kodeksining 169-moddasi 3-qismida koʻrsatilgan jinoyatni sodir qilganlikda ayblanib, qidiruvdaligi maʼlum boʻlgan.

Holat yuzasidan tegishli hujjatlar rasmiylashtirilib, qidiruvda boʻlgan fuqaro Chilonzor tumani IIO FMBga topshirilgan.

Yoʻllarda tekshiruvlar davom etmoqda.