2022-yil 2-noyabr kuni Toshkent viloyati IIBB navbatchilik qismiga Ohangaron shahrida joylashgan “Temir ota” choyxonasi oldidan nomaʼlum shaxs tomonidan “Lacetti” rusumli avtomobil olib qochilganligi toʻgʻrisida xabar kelib tushgan.

Toshkent viloyati IIBB JXX YHXB xodimlari tomonidan koʻrilgan chora-tadbirlar natijasida ushbu avtomobil va uni olib qochgan shaxs, voyaga yetmagan, 2006-yilda tugʻilgan Sh.R. Toshkent shahar, Uchtepa tumani, Chilonzor 26-mavze, 24-uy qarshisida ushlangan.

Mazkur holat yuzasidan Ohangaron tumani IIB huzuridagi TB tomonidan dastlabki tergov harakatlari olib borilmoqda.

Barcha ota-onalardan farzandlar tarbiyasiga eʼtiborli boʻlishlarini, haydovchilardan esa boshqaruvidagi transport vositasini nazoratsiz qoldirmasliklarini soʻraymiz.