“Oʻzbekiston – 2030” strategiyasini “Yoshlar va biznesni qoʻllab-quvvatlash yili”da amalga oshirishga oid davlat dasturi toʻgʻrisidagi Oʻzbekiston Respublikasi Prezidentining farmoni qabul qilindi.

Mazkur farmonning 13-bandiga koʻra, 2024-yil 1-sentabrdan boshlab Qashqadaryo va Surxondaryo viloyatlarida tajriba-sinov tariqasida umumiy oʻrta taʼlim maktablariga olis hududlardan qatnaydigan oʻquvchilar uchun autsorsing asosida bepul avtobuslar qatnovi yoʻlga qoʻyiladi.

Mazkur bandning toʻliq, sifatli va soʻzsiz bajarilishi uchun masʼullar etib Qashqadaryo viloyati hokimligi va Surxondaryo viloyati hokimligi belgilandi.