2022-yil 9-aprel kuni soat 16:50 larda, Uchtepa tumanida joylashgan “Nazarbek” blok-postida Toshkent viloyati hududidan poytaxtga piyoda harakatlanib kelayotgan fuqaro 1977-yilda tugʻilgan A.K. oʻzining koʻrinishi va xatti-harakatlari bilan YPX inspektorlarida shubha uygʻotgan. Tekshiruvlar mobaynida fuqaro A.K.ning yonidan oq qogʻozga oʻralgan, jigar rangli, oʻtkir hidli, quritilgan oʻsimlik moddasi topilib, xolis va guvohlar ishtirokida olingan.

Mazkur holat yuzasidan tegishli hujjatlar rasmiylashtirilib, fuqaro A.K. va aniqlangan modda Uchtepa tumani IIO FMBga topshirilgan.

Tekshiruvlar davom etmoqda...