YPX xodimlari tomonidan tekshiruvlar davomida:

- 2022-yil 23-fevral kuni soat 00:10 larda, Yunusobod tumanida joylashgan “Uch qahramon” YPX maskanida xizmat olib borayotgan YPX xodimlari X.Xasanov va A.Usmonovlar tomonidan, poytaxtdan Toshkent viloyatiga chiqib ketayotgan “Vaz-21070” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1973-yilda tugʻilgan X.A.ning yonidan gugurt qutisiga solingan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, haydovchi X.A. va aniqlangan modda Yunusobod tumani IIO FMBga topshirilgan.

- 2022-yil 22-fevral kuni soat 23:00 larda, M.Ulugʻbek tumanida xizmat olib borayotgan YPX xodimlari D.Axmedov va J.Asomovlar tomonidan, Ziyolilar koʻchasi boʻylab harakatlanib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1993-yilda tugʻilgan J.T.ning yonidan 2 dona “Снуп” nomli dorisi idishi ichida tarkibi nomaʼlum boʻlgan oʻtkir hidli suyuqlik va oq qogʻozga oʻralgan giyohvandlik oʻsimligi urugʻlari topilgan.

Mazkur holat yuzasidan tegishli hujjatlar rasmiylashtirilib, fuqaro J.T. va aniqlangan moddalar M.Ulugʻbek tumani IIO FMBga topshirilgan.

Tekshiruvlar davom etmoqda...