Poytaxt ko‘chalaridagi tekshiruvlar davomida:

- Joriy yilning 16-oktabr kuni soat 12:00 larda, Bektemir tumanida joylashgan "Bektemir" YPX maskanida xizmat olib borayotgan YPX xodimi I.Djumaboyev tomonidan "Vaz-2107" rusumli avtomobil to‘xtatilib tekshirilganda, haydovchi 1987-yilda tug‘ilgan E. T. ko‘rinishi va turli xatti-harakatlari bilan xodimda shubxa uyg‘otgan. Xolis va guvohlar ishtirokidagi tekshiruvlar davomida haydovchi E. T.ning cho‘ntagidan 1000 so‘mlik pul kupyurasiga o‘ralgan, jigar rangli, o‘tkir hidli, quritilgan o‘simlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro E. T. va topilgan modda Bektemir tumani IIO FMBga topshirilgan.

- Joriy yilning 16-oktabr kuni soat 15:20 larda, Bektemir tumani hududida joylashgan “Sharq” YPX maskanida xizmat olib borayotgan YPX xodimlari A.Po‘latov, M.Sharipov va B.Nugmonovlar tomonidan Toshkent viloyatidan Toshkent shahriga kirib kelayotgan, "Lacetti" rusumli avtomobil to‘xtatilib tekshirilganda salonda bo‘lgan yo‘lovchi, 1992-yilda tug‘ilgan D. A. turli xatti-harakatlari bilan YPX xodimlarida shubxa uyg‘otgan. Xolis va guvohlar ishtirokidagi tekshiruv davomida D. A.ning telefon g‘ilofi orqasidan jigar rangli, o‘tkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro D. A. va topilgan modda Bektemir tumani IIO FMBga topshirilgan.

- Joriy yilning 17-oktabr kuni soat 00:15 larda Yakkasaroy tumanida xizmat olib borayotgan YPX xodimi Sh.Eshboltayev tomonidan "Shota Rustaveli" ko‘chasi bo‘ylab harakatlanib kelayotgan "Lacetti" rusmli avtomobil to‘xtatilib tekshirilganda haydovchi, 1997-yilda tug‘ilgan A. I. turli xatti-harakatlari bilan xodimda shubxa uyg‘otgan. Xolis va guvohlar ishtirokidagi tekshiruv davomida haydovchi A. I.ning yonidan 1 dona "Regapen" nomli psixotrop dori vositasi topilgan.

Mazkur holat yuzasidan tegishli xujjatlar rasmiylashtirilib, fuqaro A. I. va aniqlangan modda Yakkasaroy tumani IIO FMBga topshirilgan.