Joriy yilning 9-yanvar kuni soat 17:00 larda, Yangihayot tumanida joylashgan “Yangihayot” blok-postida xizmat olib borayotgan YPX xodimlari A.Rashidov va Sh.Tilepovlar tomonidan, Toshkent viloyatidan poytaxtga kirib kelayotgan “Nexia” rusumli avtomobil toʻxtatilib, xolis va guvohlar ishtirokida tekshirilganida, yoʻlovchi, 1985-yilda tugʻilgan X.N.ning yonidan sellofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro X.N. va aniqlangan modda Yangihayot tumani IIO FMBga topshirilgan.

Tekshiruvlar davom etmoqda.