Tekshiruvlar davomida:

- 2022-yil 9-mart kuni soat 00:10 larda, Uchtepa tumanida xizmat olib borayotgan YPX xodimlari S.Abdumalikov va S.Qaxxorovlar tomonidan, Toʻqimachi koʻchasi boʻylab harakatlanib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1995-yilda tugʻilgan A.Sh.ning yonidan 1 dona “Tropikamid”, 2 dona ”Regapen”, 1 dona shpris va jigar rangli, oʻtkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro A.Sh. va aniqlangan vositalar Uchtepa tumani IIO FMBga topshirilgan.

- 2022-yil 9-mart kuni soat 22:30 larda, Yashnobod tumanida xizmat olib borayotgan YPX xodimlari I.Qayumov va F.Ochilovlar tomonidan, “Ohangaron shoh” koʻchasi boʻylab harakatlanib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1992-yilda tugʻilgan Sh.M.ning yonidan 1 dona “Tropikamid” nomli psixotrop dori vositasi topilgan.

Mazkur holat yuzasidan tegishli hujjatlar rasmiylashtirilib, fuqaro Sh.M. va aniqlangan psixotrop dori vositasi Yashnobod tumani IIO FMBga topshirilgan.