2023-yil 4-yanvar kuni soat 03:25 larda Toshkent shahar, Bektemir tumanida joylashgan “Sharq” YPX maskanida xizmat olib borayotgan YPX xodimlari I.Djumaboyev va Sh.Xolnazarovlar tomonidan, Toshkent viloyatidan poytaxtga kirib kelayotgan haydovchi, 1992-yilda tugʻilgan F.B. boshqaruvidagi “Spark” rusumli avtomobil toʻxtatilib, xolis va guvohlar ishtirokida tekshirilganda, transport vositasining yukxonasidan sellofanga solingan 379 dona “Zardex” nomli psixotrop dori vositalari topilgan.

Mazkur holat yuzasidan tegishli hujjatlar rasmiylashtirilib, avtomobilda boʻlgan fuqarolar va topilgan psixotrop dori vositalari Bektemir tumani IIO FMBga topshirilgan.

Tekshiruvlar davom etmoqda...