2023-yil 17-fevral kuni soat 05:00 larda “Qamchiq” dovonida joylashgan “Namangan” YPX maskanida xodimlar tomonidan “Vodiy-Toshkent” yoʻnalishida harakatlanib kelayotgan “Lacetti” rusumli avtomobil toʻxtatilgan. Tekshiruv davomida transport vositasining yukxonasi hamda salon qismida tegishli hujjatlari boʻlmagan, chet davlatda ishlab chiqarilgan jami 9950 quti “Milano” nomli sigaretalar olib ketilayotganligi aniqlangan.

Holat belgilangan tartibda rasmiylashtirilib, haydovchi, 1976-yilda tugʻilgan X.Yu. hamda aniqlangan sigaretalar Pop tumani Iqtisodiy jinoyatlarga qarshi kurashish departamentiga topshirilgan.

Yoʻllarda tekshiruvlar davom etmoqda...