Kecha, 2023-yil 10-fevral kuni soat 23:20 larda “Qamchiq” dovonida joylashgan “Namangan” YPX maskanida xodimlar tomonidan “Vodiy-Toshkent” yoʻnalishida harakatlanib kelayotgan “Captiva” avtomobili toʻxtatilgan. Tekshiruv davomida transport vositasining salonida 2 ta selofanda jami soni 960 dona boʻlgan “Tropikamid” nomli psixotrop dorilar olib ketilayotganligi aniqlangan.

Holat boʻyicha tegishli hujjatlar rasmiylashtirilib, aniqlangan dori vositalari va haydovchi, 1987-yilda tugʻilgan Gʻ. M. Pop tumani IIBga topshirilgan.

Yoʻllarda tekshiruvlar davom etmoqda...