Ijtimoiy tarmoqda “Lacetti” rusumli, 80T715SA davlat raqam belgili avtomobil haydovchisi transport vositalarining oqimiga qarama-qarshi tarzda harakatlanganligi aks etgan video tarqaldi va keng jamoatchilik muhokamalariga sabab boʻldi.

Video Buxoro viloyati IIB JXX YHXB xodimlari tomonidan oʻrganilib, ushbu “Lacetti” rusumli, 80T715SA davlat raqam belgili avtomobil haydovchisiga nisbatan Oʻzbekiston Respublikasi Maʼmuriy javobgarlik toʻgʻrisidagi Kodeksning 128⁵-moddasi 2-qismi tartibida bayonnoma rasmiylashtirildi.

Barcha haydovchilardan qoidalarga rioya qilishlarini, yoʻllarda oʻzi va atrofdagilar salomatligini xavf ostiga qoʻymasliklarini soʻraymiz.