Tekshiruvlar davomida:

- 2022-yil 13-aprel kuni soat 16:30 larda Bektemir tumanida joylashgan “Sharq” YPX maskanida xizmat olib borayotgan YPX xodimi F.Joʻrayev tomonidan, Toshkent viloyatidan poytaxtga kirib kelayotgan “Nexia” rusumli avtomobil toʻxtatilib, xolis va guvohlar ishtirokida tekshirilganda yoʻlovchi, 1998-yilda tugʻilgan J.M.ning yonidan selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro J.M. va aniqlangan modda Bektemir tumani IIO FMBga topshirilgan.

- 2022-yil 13-aprel kuni soat 20:30 larda Bektemir tumanida joylashgan “Sharq” YPX maskanida xizmat olib borayotgan YPX xodimlari M.Sharipov va D.Payziyevlar tomonidan, Toshkent viloyatidan poytaxtga kirib kelayotgan, haydovchi, 1991-yilda tugʻilgan N.Y. boshqaruvidagi “Cobalt” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan 1000 soʻmlik pul kupyurasiga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro N.Y. va aniqlangan modda Bektemir tumani IIO FMBga topshirilgan.