Tekshiruvlar davomida:

- 2022-yil 3-avgust kuni soat 15:30 larda Sergeli tumani hududida xizmat olib borayotgan YPX xodimi T.Tojiboyev tomonidan Navroʻz koʻchasi boʻylab harakatlanib kelayotgan “Lacetti” rusumli avtomobil toʻxtatilgan vaqtda, salonda boʻlgan yoʻlovchi koʻrinishi va turli xatti-harakatlari bilan xodimda shubha uygʻotgan. Xolis va guvohlar ishtirokidagi tekshiruvlar davomida, yoʻlovchi, 2003-yilda tugʻilgan K.N.ning choʻntagidagi uyali telefonning gʻilofi orqasidan 2 dona, jigar rangli, oʻtkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro K.N. va topilgan modda Sergeli tumani IIO FMBga topshirilgan.

- 2022-yil 4-avgust kuni soat 00:10 larda, Yangihayot tumanida joylashgan “A.Turbanov” YPX maskanida xizmat olib borayotgan YPX xodimlari N.Ikromov va M.Poʻlatovlar tomonidan Toshkent viloyatidan poytaxtga kirib kelayotgan “Matiz” rusumli avtomobil toʻxtatilgan vaqtda, salonda boʻlgan yoʻlovchi koʻrinishidan xodimlarda shubha uygʻotgan. Xolis va guvohlar ishtirokidagi tekshiruvlar davomida, yoʻlovchi, 1983-yilda tugʻilgan N.S.ning choʻntagidan 1000 soʻmlik pul kupyurasiga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, yoʻlovchi N.S. va topilgan modda Yangihayot tumani IIO FMBga topshirilgan.

Yoʻllarda tekshiruvlar davom etmoqda...