Tekshiruvlar davomida:

- 2022-yil 21-aprel kuni soat 12:10 larda, Yunusobod tumanida joylashgan “Uch qahramon” YPX maskanida xizmat olib borayotgan YPX xodimlari T.Raximov va I.Meyliyevlar tomonidan, Toshkent viloyatidan poytaxtga kirib kelayotgan “Nexia” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1987-yilda tugʻilgan F.S.ning yonidan selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro F.S. va aniqlangan modda Yunusobod tumani IIO FMBga topshirilgan.

- 2022-yil 21-aprel kuni soat 22:10 larda, Olmazor tumanida joylashgan “Mineral suvlar” blok-postida xizmat olib borayotgan YPX xodimlari N.Abduvoxidov va J.Boymirzayevlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1986-yilda tugʻilgan A.X.ning yonidan gazetaga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro A.X. va aniqlangan modda Olmazor tumani IIO FMBga topshirilgan.

- 2022-yil 22-aprel kuni soat 01:30 larda, Chilonzor tumanida xizmat olib borayotgan YPX xodimlari R.Mambetov va S.Nosirovlar tomonidan, KXAY koʻchasi boʻylab harakatlanib kelayotgan, haydovchi, 1986-yilda tugʻilgan S.T. boshqaruvidagi “Lacetti” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan 2 dona “Tropikamid” nomli psixotrop dori vositalari hamda selofanga solingan, oq rangli, oʻtkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro S.T. va aniqlangan vositalar Chilonzor tumani IIO FMBga topshirilgan.

Tekshiruvlar davom etmoqda...