Joriy yilning 08-iyun kuni soat 00:55 larda, Mirzo Ulugʻbek tumanida joylashgan “Tuzel” blok-postida xizmat olib borayotgan YPX inspektorlari serjant N.Abdullayev, safdor B.Boltayevlar tomonidan Toshkent viloyati hududidan, Toshkent shahar hududiga harakatlanib kirib kelayotgan, 1995-yilda tugʻilgan, Yashnobod tumanida yashovchi A.N. boshqaruvidagi “Nexia 3” rusumli avtomobil toʻxtatilib tekshirib koʻrilganda, ushbu avtomobil saloni haydovchi oʻrindigʻi tagidan 1000 soʻmlik pul kupyuraga oʻralgan yashil rangli, oʻtkir hidli, quritilgan oʻsimlik moddasi topilib, xolislar ishtirokida olingan.
Mazkur holat yuzasidan tegishli hujjatlar rasmiylashtirilib, haydovchi A.N. Mirzo Ulugʻbek tumani IIO FMBga topshirilgan.