Toshkent shahar hokimligi Matbuot xizmatining xabariga koʻra, 9-11-sentabr kunlari poytaxtimizda “Tashkent Music Fest 2022” musiqa festivali oʻtkaziladi. Shu munosabat bilan 9-sentabr soat 00:00 dan 12-sentabr soat 18:00 gacha bir necha koʻchalar yopiladi:

— Buyuk Turon koʻchasi Alisher Navoiy shoh koʻchasi bilan kesishmasidan Mustaqillik shoh koʻchasigacha;
— Istiqlol koʻchasi Buyuk Turon koʻchasi bilan kesishmasidan Hyatt Regency Tashkent mehmonxonasigacha;
— Zarafshon koʻchasi Alisher Navoiy shoh koʻchasi bilan kesishmasidan Mustaqillik shoh koʻchasigacha;
— Javaharlal Neru koʻchasi Zarafshon koʻchasi bilan kesishmasidan Mustaqillik shoh koʻchasigacha.

Haydovchilarga aylanma yoʻllardan harakatlanish tavsiya etiladi.