Tekshiruvlar davomida:

- 2022-yil 20-aprel kuni soat 22:00 larda, Bektemir tumanida joylashgan “Sharq” YPX maskanida xizmat olib borayotgan YPX xodimlari M.Sharipov va D.Payziyevlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1964-yilda tugʻilgan S.A.ning yonidagi sigareta qutisi ichidan, selofanlarga oʻralgan 2 dona jigar rangli, oʻtkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro S.A. va aniqlangan moddalar Bektemir tumani IIO FMBga topshirilgan.

- 2022-yil 21-aprel kuni soat 02:30 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari N.Djumanazarov va Sh.Xikmatovlar tomonidan, Toshkent viloyatidan poytaxtga kirib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 2001-yilda tugʻilgan M.A.ning yonidagi sigareta qutisi ichidan ham selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro M.A. va aniqlangan modda Chilonzor tumani IIO FMBga topshirilgan.

- 2022-yil 21-aprel kuni soat 00:10 larda, Olmazor tumanida joylashgan “Mineral suvlar” blok-postida xizmat olib borayotgan YPX xodimlari N.Abduvoxidov va J.Boymirzayevlar tomonidan, Toshkent viloyatidan poytaxtga kirib kelayotgan “Matiz” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1999-yilda tugʻilgan I.M.ning yonidan selofanga solingan, oq rangli, oʻtkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro I.M. va aniqlangan modda Olmazor tumani IIO FMBga topshirilgan.

Yoʻllarda tekshiruvlar davom etmoqda...