Tekshiruvlar davomida:

- 2022-yil 16-sentabr kuni soat 09:40 larda Bektemir tumanida joylashgan “Sharq” YPX maskanida xizmat olib borayotgan YPX xodimlari B.Nigʻmonov va M.Sharipovlar tomonidan, Toshkent viloyatidan poytaxtga kirib kelayotgan, haydovchi, 1994-yilda tugʻilgan M.M. boshqaruvidagi “Lacetti” rusumli avtomobil toʻxtatilib, xolis va guvohlar ishtirokida tekshirilganda, avtomobil salonidan selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro M.M. va topilgan modda Bektemir tumani IIO FMBga topshirilgan.

- 2022-yil 16-sentabr kuni soat 12:50 larda Yangihayot tumanida joylashgan “Yangihayot” blok-postida xizmat olib borayotgan YPX xodimlari N.Mamirzayev va M.Tojiboyevlar tomonidan, Toshkent viloyatidan poytaxtga kirib kelayotgan “Lacetti” rusumli avtomobil toʻxtatilib, xolis va guvohlar ishtirokida tekshirilganda, yoʻlovchi, 1989-yilda tugʻilgan U.U.ning yonidan 30 dona selofanga oʻralgan oq rangli, oʻtkir hidli, kukunsimon moddalar topilgan.

Mazkur holat yuzasidan tegishli hujjatlar rasmiylashtirilib, fuqaro U.U. va topilgan moddalar Yangihayot tumani IIO FMBga topshirilgan.

- 2022-yil 16-sentabr kuni soat 23:35 larda Bektemir tumanida xizmat olib borayotgan YPX xodimlari O.Usmonov va A.Oʻtbosarovlar tomonidan, Parkent yoʻli koʻchasi boʻylab harakatlanib kelayotgan “Nexia-3” rusumli avtomobil toʻxtatilib, xolis va guvohlar ishtirokida tekshirilganda, haydovchi, 1964-yilda tugʻilgan A.E.ning yonidan, qogʻozga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro A.E. va topilgan modda Bektemir tumani IIO FMBga topshirilgan.

- 2022-yil 16-sentabr kuni soat 22:40 larda Olmazor tumanida joylashgan “M.Fozilov” blok-postida xizmat olib borayotgan YPX xodimlari T.Abduganiyev va T.Abdullayevlar tomonidan, Toshkent viloyatidan poytaxtga kirib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganda, haydovchi, 2000-yilda tugʻilgan S.J.ning yonidagi gugurt qutisi ichidan, yashil rangli, oʻtkir hidli, quritilgan oʻsimlik moddasi hamda avtomobil salonidan, selofanga oʻralgan, oq rangli, oʻtkir hidli, kukunsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro S.J. va topilgan moddalar Olmazor tumani IIO FMBga topshirilgan.

Yoʻllarda tekshiruvlar davom etmoqda...