- Joriy yilning 11-oktabr kuni soat 00:05 larda, Toshkent shahar, Chilonzor tumanida joylashgan "Erkin" YPX maskanida xizmat olib borayotgan YPX xodimi F.Saidaxmedov tomonidan Toshkent viloyatidan poytaxtga kirib kelayotgan "Spark" rusumli avtomobil to‘xtatilib tekshirilganda, salonda bo‘lgan yo‘lovchi, 1979-yilda tug‘ilgan X. V. turli xatti-harakatlari bilan YPX xodimida shubxa uyg‘otgan. Xolis va guvohlar ishtirokidagi tekshiruv davomida yo‘lovchi X. V.ning yonidan, qog‘oz parchasiga o‘ralgan, yashil rangli, o‘tkir hidli, nam holdagi o‘simlik moddasi topilib, belgilangan tartibda hujjatlar rasmiylashtirilgan.

Mazkur holat yuzasidan tegishli xujjatlar rasmiylashtirilib, fuqaro X. V. va aniqlangan modda Chilonzor tumani IIO FMBga topshirilgan.

- Joriy yilning 11-oktabr kuni soat 00:05 larda Toshkent shahar, Shayxontoxur tumanigа xizmatga jalb etilgan YPX xodimlari A.Kamalov va X.Xakimjonovlar tomonidan Samarqand darvoza ko‘chasi bo‘ylab harakatlanib kelayotgan "Spark" rusumli avtomobil to‘xtatilib tekshirilganda haydovchi, 1990-yilda tug‘ilgan Q. A. turli xatti-harakatlari bilan YPX xodimlarida shubxa uyg‘otgan. Xolis va guvohlar ishtirokidagi tekshiruv davomida Q. A.ning yonidan 1000 so‘mlik pul kupyurasiga o‘ralgan, jigar rangli, o‘tkir hidli, quritilgan o‘simlik moddasi topilib, belgilangan tartibda hujjatlar rasmiylashtirilgan.

Mazkur holat yuzasidan tegishli xujjatlar rasmiylashtirilib, haydovchi Q. A. va aniqlangan modda Shayxontoxur tumani IIO FMBga topshirilgan.