Yoʻllardagi tekshiruvlar davomida:

- 2022-yil 14-yanvar kuni soat 21:05 larda, Yangihayot tumanida joylashgan “A.Turbanov” YPX maskanida xizmat olib borayotgan YPX xodimlari R.Gafurov va N.Ikromovlar tomonidan, Toshkent viloyatidan poytaxtga kirib kelayotgan “Matiz” rusumli avtomobil toʻxtatilib, xolis va guvohlar ishtirokida tekshirilganida, haydovchi, 1992-yilda tugʻilgan A.A.ning yonidan selofanga oʻralgan, jigar rangli, oʻtkir hidli, saqichsimon modda topilgan.

Mazkur holat yuzasidan tegishli hujjatlar rasmiylashtirilib, fuqaro A.A. va aniqlangan modda Yangixayot tumani IIO FMBga topshirilgan.

- 2022-yil 14-yanvar kuni soat 22:30 larda, Bektemir tumanida joylashgan “Bektemir” YPX maskanida xizmat olib borayotgan YPX xodimlari Sh.Xolnazarov va I.Djumaboyevlar tomonidan, Toshkent viloyatidan poytaxtga kirib kelayotgan “Malibu” rusumli avtomobil toʻxtatilib, xolis va guvohlar ishtirokida tekshirilganida, yoʻlovchisi, 1999-yilda tugʻilgan Q.A.ning choʻntagidagi sigareta qutisi ichidan, qogʻozga oʻralgan, yashil rangli, oʻtkir hidli, quritilgan oʻsimlik moddasi topilgan.

Mazkur holat yuzasidan tegishli hujjatlar rasmiylashtirilib, fuqaro Q.A. va aniqlangan modda Bektemir tumani IIO FMBga topshirilgan.

- 2022-yil 14-yanvar kuni soat 23:20 larda, Yunusobod tumanida joylashgan “Uch qahramon” YPX maskanida xizmat olib borayotgan YPX xodimlari A.Usmonov va X.Xalilovlar tomonidan, Toshkent viloyatidan poytaxtga kirib kelayotgan “Spark” rusumli avtomobil toʻxtatilib, xolis va guvohlar ishtirokida tekshirilganida, salonidan 3 dona jigar rangli, oʻtkir hidli, saqichsimon moddalar topilgan.

Mazkur holat yuzasidan tegishli hujjatlar rasmiylashtirilib, haydovchi, 1981-yilda tugʻilgan R.K. va aniqlangan moddalar Yunusobod tumani IIO FMBga topshirilgan.

Tekshiruvlar davom etmoqda.