Velosportning shosse turi boʻyicha “Oqtosh-Chorbogʻ Mountain” xalqaro musobaqasi oʻtkazilishi munosabati bilan joriy yilning 10-11-13-14-may kunlari soat 08:00 dan 17:00 ga qadar Toshkent viloyatining Boʻstonliq va Yuqorichirchiq tumanlaridan oʻtgan avtomobil yoʻllari vaqtinchalik yopiladi.

10-may kuni Boʻstonliq tumani hududidan oʻtgan 4P10 “Chorbogʻ suv ombori halqa yoʻli” avtomobil yoʻlining 80-70 kilometri (Chorbogʻ suv ombori koʻprigi) oraligʻida;

11-may kuni Boʻstonliq tumaniga olib boruvchi 4P12 “Bektemir-Chorbogʻ qoʻrgʻoni” avtomobil yoʻlining 54-kilometridan (Gazalkent shahriga kirish) 75-kilometrigacha (“Bochka” ovqatlanish joylari) boʻlgan yoʻl, 4P6 “Toshkent sh - Chirchiq sh - Chimyon” avtomobil yoʻlining 52-kilometridan (Gazalkent futbol oʻyingohi) 56-kilometr (Glavasoy qishlogʻiga chiqish joyi) oraliqlari, shuningdek, 4P10 “Chorbogʻ suv ombori halqa yoʻli” avtomobil yoʻlining 80-82-kilometr oraliqlari (Chorboʻgʻ suv ombori koʻprigi va “eski bochka” oraliqlari);

13-may Boʻstonliq tumaniga olib boruvchi 4P12 “Bektemir-Chorbogʻ qoʻrgʻoni” avtomobil yoʻlining 34-kilometridan (Chirchiq shahriga kirish koʻprigi) 54-kilometriga (Gazalkent shahriga kirish) qadar;

14-may Boʻstonliq tumaniga olib boruvchi 4P12 “Bektemir-Chorbogʻ qoʻrgʻoni” avtomobil yoʻlining 17-kilometridan (Yangi Oʻzbekiston bogʻi atrofi) 75-kilometrigacha (“Bochka” ovqatlanish joylari) boʻlgan yoʻl, 4P6 “Toshkent sh - Chirchiq sh - Chimyon” avtomobil yoʻlining 56-kilometridan (Glavasoy qishlogʻiga chiqish joyi) 72-kilometrigacha (Amirsoy dam olish maskani) boʻlgan yoʻl oraliqlari, shuningdek, 4P10 “Chorbogʻ suv ombori halqa yoʻli” avtomobil yoʻlining 80-82-kilometr oraliqlari (Chorboʻgʻ suv ombori koʻprigi va “eski bochka” oraliqlari)da transport vositalari harakati toʻliq cheklanadi.

Hurmatli fuqarolar! Mazkur vaziyatni toʻgʻri tushungan holda, IIO xodimlarining qonuniy talablarini bajarishingizni soʻraymiz.