Yangi yil bayramiga tayyorgarlik darajasini o‘rganish, fuqarolar uchun xavfsiz va qulay sharoitlar yaratish orqali ularda bayram kayfiyatini yanada yaxshilash maqsadida IIV JXD YHXX boshlig‘i Sherzod Ibragimov boshchiligidagi ishchi guruh Qashqadaryodagi o‘rganish ishlarini yakunlab, Buxoro viloyatiga yetib keldi.

Ishchi guruh avvaliga yig‘ilish o‘tkazib, unda amalga oshirilishi lozim bo‘lgan ishlarni belgilab olishdi. Shuningdek, har bir vazifaning bajarilish muddati mas’ul xodimlarga belgilab berildi.

Shundan so‘ng, "Yangi yil archasi" o‘rnatilgan hududlar va bayram tadbirlari o‘tkaziladigan joylardagi xavfsizlik darajasi o‘rganilib, turli noxush holatlarning oldini olishga qaratilgan profilaktik chora-tadbirlarni kuchaytirish rejasi ishlab chiqildi.