2022-yil 9-may kuni soat 13:15 larda Toshkent shahar, Yunusobod tumanida joylashgan “Uch qahramon” YPX maskanida xizmat olib borayotgan YPX xodimlari I.Meyliyev va S.O‘rinboyevlar tomonidan, Toshkent viloyatidan poytaxtga kirib kelayotgan "Nexia" rusumli avtomobil to‘xtatilib, xolis va guvohlar ishtirokida tekshirilganda, yo‘lovchi, 1975-yilda tug‘ilgan Z.S.ning yonidan selofanga solingan, 15 dona “ko‘knori” o‘simligi boshog‘i topilgan.

Mazkur holat yuzasidan tegishli hujjatlar rasmiylashtirilib, fuqaro Z.S. va aniqlangan giyohvandlik o‘simliklari Yunusobod tumani IIO FMBga topshirilgan.

Tekshiruvlar davom etmoqda...