2022-yil 9-fevral kuni Chilonzor tumanida chorrahani ishoralar orqali boshqarayotgan YPX xodimi A.Botirovning xizmat faoliyatiga halaqit berib, qonuniy talabni bajarmagan haydovchi bo‘yicha sud bo‘lib o‘tdi. 202- yil 10-fevral kuni Toshkent shahar Jinoyat ishlari bo‘yicha Chilonzor tumani sudi tomonidan "Lacetti" rusumli avtomobil haydovchisi, 1991-yilda tug‘ilgan Sh.E. ning xatti-harakatlarida O‘zbekiston Respublikasi Ma’muriy javobgarlik to‘g‘risidagi Kodeksning 194-moddasi 1-qismi hamda 195-moddasida ko‘rsatilgan huquqbuzarlik alomatlari mavjud deb topilib, unga nisbatan 15 sutka ma’muriy qamoq jazosi tayinlandi.

Barcha harakat qatnashchilaridan yo‘llarda qoidalarga rioya qilishlarini, YPX xodimlarining qonuniy talablarini bajarishlarini so‘rab, mazkur talablarni buzgan shaxslarga nisbatan qat’iy jazo choralari qo‘llanilishi haqida ogohlantiramiz.