2022-yil 14-mart kuni soat 06:30 larda, Chilonzor tumanida joylashgan “Erkin” YPX maskanida xizmat olib borayotgan YPX xodimlari F.Saidaxmedov va N.Tojiboyevlar tomonidan “Lacetti” rusumli avtomobil toʻxtatilib, haydovchi, 1983-yilda tugʻilgan Sh.P.ning maʼlumotlari planshet moslamasi yordamida, maxsus dastur orqali tekshirilganda, ushbu fuqaro 2008-yil 4-mart kunidan buyon bedarak yoʻqolganligi, hozirda qidiruvdaligi maʼlum boʻlgan.

Tegishli hujjatlar rasmiylashtirilib, fuqaro Sh.P. Chilonzor tumani IIO FMBga topshirilgan.