Жорий йилнинг 6 октябрь куни соат 06:00 ларда, Тошкент шаҳар, Бектемир тумани ҳудудида жойлашган "Бектемир" ЙПХ маскани яқинида ҳайдовчи, 1994 йилда туғилган М.А. "Lacetti" русумли автомобилда ҳаракатланаётиб бошқарувни йўқотган ва қарама-қарши оқимни ажратиб турувчи тўсиққа урилган.

Натижада, ҳайдовчи М.А. тан жароҳати билан шифохонага мурожаат қилган.

Мазкур ЙТҲ юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.

Барча ҳайдовчилардан — йўлларда сергак ва хушёр бўлишларини, қоидаларга риоя қилишларини сўраймиз.