2022 йил 12 апрель куни соат 21:30 ларда, Жиззах вилояти, Пахтакор тумани ҳудудидан ўтган М-39 автомобиль йўлининг 962-километрида, "Тошкент-Самарқанд" йўналишида ҳаракатланаётган ҳайдовчи, 1996 йилда туғилган И.Б. бошқарувидаги "Lacetti" русумли енгил автомобиль ҳамда ҳайдовчи, 1988 йилда туғилган А.У. бошқарувида бўлган "HOWO" русумли юк автомобили иштирокида ЙТҲ содир бўлган.

ЙТҲ натижасида, "Lacetti" русумли автомобиль ҳайдовчиси И.Б. оғир тан жароҳатлари олиб воқеа жойида вафот этган. Ушбу автомобилда бўлган икки нафар йўловчилар тан жароҳати билан шифохонга ётқизилган.

Мазкур ЙТҲ юзасидан Пахтакор тумани ИИБ ТБ томонидан дастлабки терговолди суриштирув ҳаракатлари олиб борилмоқда.

Барча ҳайдовчилардан йўлларда қоидаларга риоя қилиб, эҳтиёткорлик билан ҳаракатланишларини сўраймиз.