2019 йил 31 декабрь куни соат 23:00 ларда, Жиззах вилояти Жиззах шаҳар И.Каримов кўчасида хизмат олиб бораётган ЙПХ инспектори, катта тезликда ҳаракатланаётган, ҳайдовчи Жиззах шаҳрида яшовчи, 1988 йилда туғилган Б.Б. бошқарувидаги “Каптива” русумли автомобилини тўхтатган. Ҳайдовчининг автомобилни маст ҳолда бошқараётганлигини гумон қилиб, уни наркология диспансерига олиб борган ва ўтказилган тиббий текширув натижасида ҳайдовчининг мастлиги тасдиқлангандан сўнг маъмурий баённома расмийлаштираётган вақтида, ҳайдовчи ЙПХ инспекторига фаол қаршилик кўрсатиб, ҳақоратлаб сўкиб, ЙПХ инспекторининг юзига мушти билан урган. Натижада ЙПХ инспекторига касалхонада тиббий ёрдам кўрсатилган. Автомобиль вақтинчалик жарима майдонига қўйилиб, ҳайдовчи Б.Б. ИИБга топширилган. Мазкур ҳолат бўйича Жиззах шаҳар прокуратураси томонидан суриштирув ишлари олиб борилмоқда.

Ўзбекистон Республикаси ИИВ ЙҲХББ Ахборот хизмати