Жорий йилнинг 14 апрель куни соат 16:30ларда, Наманган вилояти, Наманган тумани, Муллақудинов МФЙ ҳудудидан ўтган автомобиль йўлида, ҳайдовчи, 1986 йилда туғилган А.С. "Дамас" русумли автомобилни бошқараётиб чап томондан ўнг томонга югуриб йўлни кесиб ўтаётган пиёдани уриб юборган ва бошқарувни йўқотиб автомобиль ағдарилган.

Натижада, пиёда, 2013 йилда туғилган А.Ш. тан жароҳатлари билан шифохонада вафот этган.

Мазкур ЙТҲ юзасидан Наманган тумани ИИБ ТБ томонидан дастлабки тергов ҳаракатлари олиб борилмоқда.

Барча ҳайдовчилардан йўлларда пиёдаларга эътиборли бўлишларини, ота-оналардан мактабга бориш ва қайтишда вояга етмаган фарзандлари билан бирга, болани назорат қилган ҳолда автомобиль йўлларидан ўтишларини сўраймиз.