Дастлабки маълумотларга кўра, жорий йилнинг 14 сентябрь куни соат 7:20 ларда, Тошкент вилояти, Оҳангарон тумани ҳудудидан ўтган А373 М39 автомобиль йўлининг 165-километрида, ҳайдовчи, 1998 йилда туғилган М.П. “Ваз 2107” русумли автомобилни “Ангрен-Оҳангарон” йўналишида бошқариб кетаётиб, белгиланмаган жойдан йўлни кесиб ўтаётган 50-55 ёш атрофидаги эркак кишини (шахсига аниқлик киритилмоқда) уриб юбориб, ЙТҲ содир этган.

Натижада, шахси номаълум пиёда оғир тан жароҳатлари олиб воқеа жойида вафот этган.

Мазкур ЙТҲ юзасидан Оҳангарон тумани ИИБ ҳузуридаги ТБ томонидан терговолди суриштирув ишлари олиб борилмоқда.

Барча ҳайдовчилардан йўлларда эҳтиёткор бўлишларини, пиёдалар белгиланмаган жойдан йўлни кесиб ўтмасликларини сўраб қоламиз.

Ўзбекистон Республикаси ИИВ ЙҲХББ Ахборот хизмати