Тошкент  шаҳар ИИББ Йўл ҳаракати хавфсизлиги бошқармаси Рўйхатдан ўтказиш ва имтиҳон олиш бўлими томонидан пойтахтимиз автомактабларида таҳсил олаётган 20 ёшдан 30 ёшгача ҳайдовчиликка номзодларни назарий ва амалий жиҳатдан билим савиясини етарли даражага етказиш учун ўқув транспорт воситалари янгиланиб борилмоқда. Янги автотренажор хоналари замонавий кўринишда жиҳозланмоқда, назарий машғулотлар замонавий техник воситалардан фойдаланган ҳолда олиб борилмоқда.

Ўқув хоналари компьютер, проектор, LED мониторлари билан таъминланиб, хар бир ўқувчи ўтилган мавзуларни тўлиқ ўзлаштириши учун электрон қўлланмалардан фойдаланилмоқда. Ўқувчиларга яратилган шароитлар келгусида мохир ҳайдовчи бўлиб етишишларига хизмат қилади.

Тошкент шаҳар ИИББ ЙҲХБ ходимлари томонидан Ўзбекистон Республикаси ИИВ ЙҲХББ кўрсатмалари ва белгиланган қарор талаблари асосида автомактабларда текширувлар ўтказилиб, аниқланган камчиликлар юзасидан тегишли чора-тадбирлар амалга оширилмоқда.

Ўзбекистон Республикаси ИИВ ЙҲХББ Ахборот хизмати