ЙПХ ходимлари томонидан йўлларда текширувлар давомида:

- 2022 йил 1 апрель куни соат 11:50 ларда Бектемир туманида жойлашган “Шарқ” ЙПХ масканида хизмат олиб бораётган Тошкент шаҳар ИИББ ЙҲХБ ЙПХ ходимлари Ж.Тўрабоев ва Ф.Жўраевлар томонидан Тошкент вилоятидан пойтахтга кириб келаётган "Lacetti" русумли автомобиль тўхтатилиб холис ва гувоҳлар иштирокида текширилганда, салонда бўлган йўловчи, 1981 йилда туғилган Л.М.нинг ёнидан "зажигалка"га ёпиштирилган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро Л.М. ва аниқланган модда Бектемир тумани ИИО ФМБга топширилган.

- 2022 йил 1 апрель куни соат 22:20 ларда, Бектемир туманига тунги хизматга жалб этилган Тошкент шаҳар ИИББ ЙҲХБ ЙПХ ходими А.Ўтбосаров томонидан Арай кўчасида ҳаракатланиб келаётган "Nexia" русумли автомобиль тўхтатилиб холис ва гувоҳлар иштирокида текширилганда, салонда бўлган йўловчи, 1994 йилда туғилган И.М.нинг ёнидан целлофанга ўралган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро И.М. ва топилган модда Бектемир тумани ИИО ФМБга топширилган.

Текширувлар давом этмоқда...