Жорий йилнинг 11 февраль куни Бухоро вилояти ИИБ ЙҲХБ бошлиғи  А.Ахмедов ва Бухоро вилояти Транспорт бошқармаси бошлиғи А.Ашуровлар томонидан Бухоро шаҳридаги йўловчи ташиш фаолияти билан шуғилланувчи корхона ва ташкилотлар раҳбарлари, навбатчи механиклари, тиббий ходимлари иштирокида “Алихан транс сервис” МЧЖ автобус саройида йиғилиш бўлиб ўтди.

“Алихан транс сервис” МЧЖ ҳайдовчилари билан ҳозирги кунда йўловчиларга сифатли хизмат кўрсатиш, йўлларда ҳайдовчилик маданиятига ва йўл ҳаракати қоидаларига риоя этишлари, йўналишга чиқишдан олдин транспорт воситаларини техник ҳолатига, тозалигига, ҳайдовчиларнинг ташқи кўринишига эътиборли бўлишлари, ҳамда ҳайдовчиларга йўловчилар билан хушмуомалада бўлиб, уларга сифатли хизмат кўрсатишлари юзасидан керакли топшириқлар берилди.

Йиғилиш қатнашчилари, асосан ҳайдовчилар ўзларини қизиқтирган ҳамда муаммоли саволларига жавоблар олишди. Вилоят ИИБ ЙҲХБ бошлиғи томонидан автобусларни йўналиш олдидан тегишли ҳужжатлари текширилиб, автобуснинг салон қисмлари кўздан кечирилди.

Ўзбекистон Республикаси ИИВ ЙҲХББ Ахборот хизмати