Ўзбекистон Республикаси ИИВ Жамоат хавфсизлиги департаменти Йўл ҳаракати хавфсизлиги хизмати йўл ҳаракати хавфсизлиги муаммоларини ўрганиш маркази офицер лавозимларига Ўзбекистон Республикаси Президентининг 2017 йил 29 ноябрдаги ПҚ-3413-сон қарори талаблари асосида Ички ишлар органларига қабул қилиш учун танлов эълон қилади.

Танловда иштирок этадиган номзодларнинг сони чекланмаган.

Танловда иштирок этмоқчи бўлган фуқаролар жорий йилнинг 1 март кунидан 10 март кунига қадар соат 09:00дан 19:00га қадар ИИВ ЖХД ЙҲХХ биносининг 3-қават, кадрлар бўлимига ариза орқали қуйидаги ҳужжатларнинг аслини кўрсатган ҳолда мурожаат қилишлари мумкин.

Номзодлардан қўйидагилар талаб этилади:

- фуқаролик паспорти;
- ҳарбий гувоҳнома;
- диплом (олий маълумот: ҳуқуқшунос, йўл қурилиши муҳандислиги, йўл ҳаракатини ташкил этиш мутахассислиги бўйича);
- ёши 30 ёшгача (30 ёшдагилар ҳам, илмий даражаси ёки илмий унвони мавжудлар учун ёш чегараланмаган);
- илмий унвон ёки илмий даражаси мавжуд номзодлар учун ушбу йўналишда тасдиқловчи ҳужжатлар;
- бўйи эркаклар учун 165 сантиметр, аёллар учун 160 сантиметр ва ундан юқори бўлиши;
- қуролли кучлар сафида муддатли ҳарбий хизматни ёки сафарбарлик чақируви резервидаги ҳарбий хизматни ўтаган бўлиши (эркаклар).

Изоҳ: Номзодлар танлаб олиниши жараёнида жисмоний тайёргарлик даражасини аниқлаш ҳамда қўшимча талаблардан озод этилади ва якуний суҳбат натижаси бўйича ички ишлар органларига қабул қилинади.

Маълумот учун телефон рақами: (98)-369-76-02

Манзил: Тошкент шаҳар, Мирзо Улуғбек тумани, Мустақиллик шоҳ кўчаси, 71-уй.