Вақт ўтган сари давлатимиз ривожланиб, йўлларимизда автомашиналар сони ҳам ортиб бормоқда. Серқатнов йўлларда пиёда юрганингизда барча ҳайдовчилар шошиб юрганликларини гувоҳи бўласиз. Пиёдалар йўлакчасига яқинлашганингизда шошқалоқ ҳайдовчиларнинг кўпчилиги сизни кўра била туриб, тўхташ ўрнига ҳаракатни давом эттиришади. Айни барча фуқаролар ишга, ўқишга бориш ва келиш вақтларида юқоридаги каби ҳайдовчилар дастидан йўлнинг бошқа томонига ўтишга қийналишади. Ҳозирги вақтда вилоятларда хизмат олиб бораётган “Эзгулик патрули” ходимлари ҳаракат иштирокчиларининг эркин ва қийинчиликсиз ҳаракатланишларини таъминлаш мақсадида хизмат олиб боришмоқда. Сирдарё вилояти ИИБ ЙҲХБда ҳам “Эзгулик патрули” ташкил этилиб, барча ҳаракат иштирокчилари эркин ва хавфсиз ҳаракатланишларига ўз ҳиссаларини қўшмоқдалар.

Ўзбекистон Республикаси ИИВ ЙҲХББ Ахборот хизмати