Фарғона шаҳрида бўлиб ўтган тунги рейд давомида "Ласетти" русумли автомобиль ҳайдовчисига ЙПХ ходими томонидан тўхташ ишораси берилганда, ҳайдовчи тўхтамасдан, қарама-қарши йўналишга чиқиб ҳаракатда давом этган. Кўрилган чоралар натижасида ҳайдовчи тўхтатилган.

Текширув давомида автомобиль бошқарувида 2007 йилда туғилган, вояга етмаган бола бўлганлиги аниқланган.

Ҳолат бўйича тегишли ҳужжатлар расмийлаштирилиб, автомобиль вақтинча сақлаш учун жарима майдонига қўйилган.

Барча ота-оналардан вояга етмаган, ҳайдовчилик гувоҳномасини олмаган фарзандларига автомобиль бошқаришга рухсат бермасликларини сўраймиз.