ЙПХ ходимлари томонидан текширувлар давомида:

- 2021 йил 21 декабрь куни соат 22:00 ларда, Олмазор туманида хизмат олиб бораётган ЙПХ ходимлари З.Ахмедов ва Ж.Мадраимовлар томонидан, Фаробий кўчаси бўйлаб ҳаракатланиб келаётган, "Spark" русумли автомобиль тўхтатилиб текширилганида, ҳайдовчи, 1999 йилда туғилган М.Ж. ўзининг кўриниши ва хатти-ҳаракатлари билан ходимларда шубҳа уйғотган. Холис ва гувоҳлар иштирокидаги текширув давомида, автомобиль салонидан 1 дона конвалютада, 9 дона “Зардекс” номли психотроп дори воситалари топилган.

Мазкур ҳолат юзасидан тегишли ҳужжатлар расмийлаштирилиб, фуқаро М.Ж. ва аниқланган воситалар Олмазор тумани ИИО ФМБга топширилган.

- 2021 йил 22 декабрь куни соат 01:50 ларда, Чилонзор туманида жойлашган “Эркин” ЙПХ масканида хизмат олиб бораётган ЙПХ ходимлари Ф.Саидахмедов ва Н.Таджибаевлар томонидан, Тошкент вилоятидан пойтахтга кириб келаётган "Nexia" русумли автомобиль тўхтатилиб, холис ва гувоҳлар иштирокида текширилганида, йўловчиси, 1987 йилда туғилган Х.И.нинг ёнидан, оқ қоғозга ўралган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро Х.И. ва аниқланган модда Чилонзор тумани ИИО ФМБга топширилган.

- 2021 йил 20 декабрь куни соат 23:50 ларда, Яшнобод туманида хизмат олиб бораётган ЙПХ ходимлари И.Каюмов ва Ш.Тошбоевлар томонидан, Авиасозлар кўчаси бўйлаб ҳаракатланиб келаётган "Nexia" русумли автомобиль тўхтатилиб, холис ва гувоҳлар иштирокида текширилганида, йўловчиси, Ғ.Х.нинг ёнидан, 5000 сўмлик ва 1000 сўмлик пул купюраларига ўралган, яшил рангли, ўткир ҳидли, қуритилган ўсимлик моддалари топилган.

Мазкур ҳолат юзасидан тегишли ҳужжатлар расмийлаштирилиб, фуқаро Ғ.Х. ва аниқланган моддалар Яшнобод тумани ИИО ФМБга топширилган.