Ижтимоий тармоқда "ДАН ходимлари мени ва акамни машинага тиқишмоқчи бўлишди" сарлавҳаси остида тарқалган видео лавҳа юзасидан маълумот
Жорий йилнинг 24 март куни соат 10:25ларда, Қашқадарё вилояти, Қамаши тумани, Гулшаний кўчасида хизмат олиб борган ЙПХ ходими Х.Эшниёзов томонидан "Ваз-2106" русумли автомобиль ҳайдовчиси С.Б.га нисбатан тўхташ қоидаларини бузганлиги юзасидан маъмурий баённома расмийлаштирилган.
Ҳайдовчи билан ўзаро мулоқот вақтида ўзини ҳайдовчининг укаси деб таништирган фуқаро ҳолатга аралашган. Ҳолат видео тасвирга олиниб ижтимоий тармоқда тарқатилган.
Ҳозирда мазкур ҳолатга ойдинлик киритиш мақсадида Қамаши тумани ИИБ томонидан суриштирув ҳаракатлари олиб борилмоқда.
Ўзбекистон Республикаси ИИВ ЙҲХББ Ахборот хизмати