Жорий йилнинг 11 май куни “You Tube” интернет ижтимоий тармоғининг “Baxodir brat” саҳифасига “МАҚСУД МУЗАФФАРОВДАН ЯНГИ ОХОТА. УЙҚУДАГИ ГАИ” сарлавҳали видео лавҳа жойлаштирилган.

Видео лавҳа ўрганилиб чиқилганда, жорий йил 9 май куни вилоят ИИБ ЙҲХБ ЙПХБ 1-ЙПХО командири томонидан тасдиқланган кунлик хизмат тақсимотига асосан, 1-ЙПХ отряди 1-сафарбарлик гуруҳи командири Ж.Ортиқов Қарши шаҳар ҳудуди бўйлаб хизмат олиб бораётган ходимларни кунлик хизмат фаолиятларини назорат қилиш мақсадида Қарши шаҳар “Ерқўрғон” деҳқон бозори олдига бориб, ходимларни хизмат фаолиятларини назорат қилиб Ислом Каримов кўчаси бўйлаб қайтиб келаётиб, шу кўчанинг вилоят кўп тармоқли касалликлар шифохонаси рўпарасига келган вақтида ўзига хизмат юзасидан бириктирилган “Ласетти” русумли хизмат автомашинасининг электр тизимида носозлик юзага келиб, ўчиб қолган.

Шунда Ж.Ортиқовнинг автомашинасига мутахассис кераклиги боис у келгунга қадар автомашина салонида кутган.

Шу вақтда ушбу йўлнинг қарама-қарши томонидан ҳаракатланиб ўтаётган фуқаро М.Музаффаров ЙПХ хизмат автомашинасини йўл четида 3.27 “Тўхташ таъқиқланади” йўл белгиси таъсир доирасида тўхтаб турганлигини кўрганидан сўнг, ўзи келаётган автомашинани тўхтатиб, Ж.Ортиқовни хизмат вақтида, хизмат автомашинасида ухлаб ётганлигини тарғиб қилиб, уни шахсий уяли алоқа воситаси орқали видео тасвирга олиб ўзини таништиришини талаб қилган.

Ж.Ортиқов автомашинадан тушган. Фуқаро ўзини М.Музаффаров деб таништирган ва ҳайдовчилик гувоҳномасини кўрсатиб шахсини тасдиқлаб қўймоқчи бўлганида ЙҲХБ ходими унинг қўлидан ҳайдовчилик гувоҳномасини олиб, унга ўзини таништирмасдан, қўпол муомалада бўлган. Фуқаро М.Музаффаровнинг ҳайдовчилик гувоҳномасини қайтариб бермаган.

Мазкур ҳолат юзасидан вилоят ИИБ ЙҲХБ масъул ходимлари томонидан хизмат текшируви ўтказилмоқда.

Ўзбекистон Республикаси ИИВ ЙҲХББ Ахборот хизмати