Янги йилга яхши кайфият
Янги йил байрамида болажонлар мўжиза юз беришини, айниқса қорбобо ва қорқиз совғаларини олишни интиқлик билан кутишади. Шуни ҳисобга олган Жиззах вилояти ИИБ ЙҲХБ ходимлари ҳайрли ишга қўл уришди. Яъни улар, Жиззах шаҳридаги 32-сонли имконияти чекланган болалар махсус мактаб-интернати тарбияланувчилари учун байрам дастурхони ташкил этишиб, 4 дона телевизор ва болаларга турли хил янги йил совғаларини улашишди.
Шунингдек, ушбу таълим муассасаси серқатнов йўл ёқасида жойлашганлиги боис, Йўл ҳаракати хавфсизлиги бошқармаси томонидан янги йўл белгиси ўрнатилди ҳамда пиёдалар ўтиш жойидаги ётиқ чизиқлар қайтадан чизилиб, замонавий кўринишга келтирилди.
Энг асосийси, ушбу тадбир сабаб болажонларга хуш кайфият ва меҳр улашилди. Тадбир сўнгида болажонлар учун байрам дастурхони безатилиб, уларга миллий таомимиз бўлган ош тарқатилди.