Текширувлар давомида:

- 2022 йил 13 май куни соат 18:10 ларда, Бектемир туманида жойлашган “Шарқ” ЙПХ масканида хизмат олиб бораётган ЙПХ ходимлари А.Пўлатов ва Н.Досимовлар томонидан, Тошкент вилоятидан пойтахтга кириб келаётган "Malibu" русумли автомобиль тўхтатилиб, холис ва гувоҳлар иштирокида текширилганда, йўловчи, 1994 йилда туғилган И.У.га тегишли бўлган телефон ғилофининг орқасидан жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро И.У. ва аниқланган модда Бектемир тумани ИИО ФМБга топширилган.

- 2022 йил 13 май куни соат 20:40 ларда, Бектемир туманида жойлашган “Бектемир” ЙПХ масканида хизмат олиб бораётган ЙПХ ходимлари И.Джумабоев ва Р.Тилеповлар томонидан, Тошкент вилоятидан пойтахтга кириб келаётган "Spark" русумли автомобиль тўхтатилиб, холис ва гувоҳлар иштирокида текширилганда, йўловчи, 1998 йилда туғилган М.З.нинг ёнидаги сигарета қутиси ичидан, целлофанга ўралган, жигар рангли, ўткир ҳидли, сақичсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро М.З. ва аниқланган модда Бектемир тумани ИИО ФМБга топширилган.

- 2022 йил 13 май куни соат 03:00 ларда, Учтепа туманида хизмат олиб бораётган ЙПХ ходимлари А.Ботиров ва Н.Холиқовлар томонидан, ҳайдовчи, 1998 йилда туғилган Ф.Н. бошқарувидаги "Lacetti" русумли автомобиль тўхтатилиб, холис ва гувоҳлар иштирокида текширилганда, автомобиль салонидан целлофанга солинган, оқ рангли, ўткир ҳидли, кукунсимон модда топилган.

Мазкур ҳолат юзасидан тегишли ҳужжатлар расмийлаштирилиб, фуқаро Ф.Н. ва аниқланган модда Бектемир тумани ИИО ФМБга топширилган.