Болам, ҳеч қоқилма асфальт кўчада
Қўлингдан дуолар тутиб турибди.
Изларинга маҳтал соғинч ичида
Бувижонинг уйингда кутиб турибди.

Даданг қуёшдан ҳам эртароқ туриб
Мактаблар ёнида хизматинга шай.
Кўксин қалқон қилиб, хатарни суриб
Йўлларда сергакдир ҳамиша атай.

Кимлардир юрганда қорин ғамида
Кимлардир сурганда хаёл омаддан.
Жонини гаровга қўйиб камида
Отанг қадам босар қалбида Ватан!

Йўл-патруль хизмати асли нима бу
Шунчаки жарангдор айтилган сўзмас.
Кимлардир осмонни қилганда орзу
Йўл-патрул ходими диққатин бузмас.

Кеккайган димоқлар озми заминда
Кўзига кўринмас норасида жон.
Сенинг даданг эса тинчлик ғамида
Оромин йўлларга тиккан, болажон.

Сен уни соғиниб ухлаб қоласан
Юмуқ кўзларингда отанг сурати.
Кўчада тартибни сақлай деб отанг
Кетгандир йўлбарсни букар журъати.

Улар таърифига достон айтсам кам
Улар Ватан учун жон ичра паноҳ.
Улар иродаси темирдан одам
Уларни асрасин ҳамиша Оллоҳ!!!

Навоий вилояти ИИБ ЙҲХБ Матбуот гуруҳи катта инспектори Ф.Якубов

Ўзбекистон Республикаси ИИВ ЙҲХББ Ахборот хизмати