2022 йил 7 июль куни соат 2:30 ларда, Шайхонтоҳур туманида жойлашган “Минерал сувлар” блок-постида хизмат олиб бораётган ЙПХ ходими С.Келдиёров томонидан Тошкент вилоятидан пойтахтга кириб келаётган "Cobalt" русумли автомобиль тўхтатилган вақтда ҳайдовчи, 1990 йилда туғилган, Андижон шаҳрида яшовчи А.С. кўринишидан ходимларда шубҳа уйғотган. Холис ва гувоҳлар иштирокидаги текширув давомида, автомобилнинг салонида бўлган сигарета қутисининг ичидан жигар рангли, ўткир ҳидли, сақичсимон модда топилган.

Ҳолат юзасидан тегишли ҳужжатлар расмийлаштирилиб, фуқаро А.С. ва топилган модда Олмазор тумани ИИО ФМБга топширилган.

Йўлларда текширувлар давом этмоқда...